ილო მოსაშვილის სახელობის სიღნაღის მუნიციპალიტეტის სოფელ ვაქირის საჯარო სკოლის მოსწავლეები მაღალი გარემოსდაცითი პასუხისმგებლობით გამოირჩევიან. სკოლაში წარმატებით მუშაობს  ნორჩ-ნატურალისტთა წრე, რომლის წევრებიც მრავალფეროვან ეკოაქტივობებში არიან ჩართულნი. წრეს პედაგოგი მანანა გზირიშვილი ხელმძღვანელობს. 

ახლახან, ნორჩ-ნატურალისტთა წრის წევრებმა დაგეგმეს და განახორციელეს პროექტი - „გადავარჩინოთ დედამიწა“. 

მოსწავლეებმა თესლიდან აღმოაცენეს და გამოზარდეს ფიჭვის, ნაძვის და კიპაროსის ორწლიანი ნერგები. ამით შეისწავლეს დათესვა-დარგვის და მოვლის წესები. აღმოცენებული ნერგი დარგეს სკოლის ეზოში.

მოსწავლეებმა ასევე გააკეთეს პრეზენტაცია შიშველთესლოვან მცენარეებზე.

იხილეთ ფოტოები: