ლანჩხუთის მუნიციპალიტეტის სოფელ ღრმაღელის საჯარო სკოლიდან კიდევ ერთი თაობა დიდი სიყვარულით გააცილეს.
მე-12 კლასელებისთვის „ბოლო ზარი“ დაირეკა. ეს იყო დღე - სავსე ემოციით, მოგონებებითა და სითბოთი.
სკოლაში თაობათა ცვლა მეტად ემოციური სანახავია - მე-12 კლასელებისთვის „ბოლო ზარი“ ირეკება, ემშვიდობებიან ბავშვობას, მასწავლებლებს, სკოლას - იმ ადგილს, სადაც ცხოვრების მნიშვნელოვანი წლები გაატარეს.
იმავდროულად, სკოლის კარს პირველად აღებენ პირველკლასელები - ცნობისმოყვარე თვალებითა და სწავლის წყურვილით. მათ წინ ახალი, უცნობი სამყარო იშლება. ისინი იწყებენ იმ გზას, რომელიც კურსდამთავრებულებმა უკვე განვლეს.
მე-12 კლასელთა და პირველკლასელთა დიდი გზის დასაწყისი სკოლაში ემოციურ ვიდეორგოლში ასახეს.
„ასე უთმობენ ღრმაღელის საჯარო სკოლის მე-12 კლასელები თავიანთ ადგილს პატარა მერცხლებს“,- აღნიშნავენ სკოლაში და ვიდეორგოლს გვიზიარებენ.
