თბილისის N190 საჯარო სკოლაში არაერთი წარმატებული მოსწავლე სწავლობს, რომელთა მიღწევები სასკოლო საზოგადოებისთვის საამაყოა. 

ამჯერად სკოლაში IV^ა კლასის მოსწავლის ანდრია ალთუნაშვილის წარმატებით ხარობენ. მე-4 კლასელმა V თანრიგის მოზარდთა კატეგორიის საჭადრაკო ტურნირში პირველი ადგილი დაიკავა. 

საჭადრაკო აკადემიამ - „ოლიმპიური ჩემპიონი“ მოსწავლე მედლითა და სერტიფიკატით დააჯილდოვა. 

სკოლის დირექცია და პედაგოგები მოსწავლეს წარმატებას ულოცავენ და ახალი მწვერვალების დაპყრობას უსურვებენ.