იანეულის საჯარო სკოლის მოსწავლეებმა, მათემატიკისა და ხელოვნების ინტეგრირებით, „გეომეტრიული ხე“ დაამზადეს
16-05-2025
ჩოხატაურის მუნიციპალიტეტის სოფელ იანეულის საჯარო სკოლის მოსწავლეები მათემატიკას სახალისო და საინტერესო აქტივობებით სწავლობენ.
ამის ნათელი მაგალითია აქტივობა - „გეომეტრიული ხის დამზადება“, რომელიც მოსწავლეებისთვის მეტად სახალისო და თავშესაქცევი აღმოჩნდა.
როგორც სკოლაში გვეუბნებიან, გაკვეთილის მიზანი იყო მათემატიკის ესთეტიკური მხარის გაცნობა და გამოყენება, გეომეტრიული ფორმებისა და მიმართებების გააზრება.
„გეომეტრიული ხის დამზადებით“ - ბავშვებმა გაიაზრეს როგორ შეიძლება დავაკავშიროთ მათემატიკა ხელოვნებასთან და როგორ ავიმაღლოთ მოტივაცია“,- აღნიშნავენ სკოლაში და მოსწავლეებს კვლავ არაერთ მამოტივირებელ აქტივობას ჰპირდებიან.
იხილეტ ფოტოები:
სკოლების სიახლეები
