მესტიის მუნიციპალიტეტის სოფელ ყარ-სგურიშის საჯარო სკოლაში მოსწავლეთა ჩართულობა სხვადასხვა კონკურსსა და საგანმანათლებლო ღონისძიებაში წახალისებული და მხარდაჭერილია. საგნობრივ ცოდნასთან ერთად პედაგოგები ბავშვების ინტელექტუალური და ანალიტიკური უნარების განვითარებაზე ზრუნავენ. 

ყარ-სგურიშის საჯარო სკოლაში ჩატარდა გუნდური ინტელექტუალური თამაშის - „ტვინების ბრძოლის“ შიდასასკოლო შეჯიბრი დაწყებით და საშუალო საფეხურის მოსწავლეთა შორის. მოსწავლეებმა წარმატებით იასპარეზეს. 

გამოვლინდა გამარჯვებული გუნდი. პატარა მოაზროვნეებს წარმატებული ასპარეზობისთვის სერტიფიკატები გადაეცათ. 

სკოლაში ინტელექტუალური თამაშის მიმდინარეობას ხელმძღვანელობდნენ პედაგოგები- ჩიტო ცინდელიანი და ნანა ჯიქია.

იხილეთ ფოტოები: