ქედის მუნიციპალიტეტის სოფელ ზვარეს საჯარო სკოლის მოსწავლეები, პედაგოგთა მხარდაჭერითა და წახალისებით, აქტიურად მონაწილეობენ სხვადასხვა კონკურსში და ცოდნასა და შესაძლებლობებს წარმოაჩენენ.
ამჯერად მოსწავლეება იაკობ გოგებაშვილის სახელობის პედაგოგთა კავშირის გამოცხადებულ კონკურსში „საქართველოო ლამაზო“ მოიპოვეს წარმატება.
მოსწავლეებმა საკონკურსოდ საინტერესო ნამუშევრები შექმნეს და სასიხარულოა, რომ მათი ნამუშევრები დღის სინათლეს იხილავს და წიგნში დაიბეჭდება.
„ის მოლოდინი, რომელიც არა მარტო ჩემთვის, არამედ ბავშვებისთვისაც უსასრულო ჩანდა, დამთავრდა. დღეს გავიგეთ მოსწავლეთა ნამუშევრების საბოლოო შედეგი. თანდათან უფრო ვმრავლდებით. მიხარია, რომ მოსწავლეთა მომავლის სამჭედლოში მყარ აგურს ვდებ. ბავშვების წარმატება, ჩემი და ჩვენი სკოლის წარმატებაა, ოჯახების წარმატებაა. ვინ იცის, იქნებ რომელიმე თქვენგანში მომავალი სიტყვის დიდოსტატი იმალება. დამილოცნიხართ, ბავშვებო! მინდა წარმატების კვარცხლბეკზე გიხილოთ მომავალში!“,- აღნიშნავს პედაგოგი ნანა შარაძე და ახარებს მოსწავლეთა შემოქმედებითობა.
იხილეთ ფოტოები:
