წალენჯიხის მუნიციპალიტეტის საჩინოს თემის N1 საჯარო სკოლაში მოსწავლეები ეროვნულ ღირებულელებსა და პატიორტულ მოტივებზე იზრდებიან. ამ მიმართულებით სკოლაში არაერთი ღონისძიება იმართება.
მათ შორის, აღსანიშნავია 9 აპრილისადმი მიძღვნილი საგანმანათლებლო ღონისძიება, სადაც მოსწავლეებმა გაიხსენეს, 1989 წლის 9 აპრილი - სისხლიანი დღე ჩვენი ბედკრული სამშობლოს ისტორიაში, რომელმაც შვა 1991 წლის 9 აპრილს გამოცხადებული დამოუკიდებლობა.
მოსწავლეებმა ისაუბრეს ამ დღის მნიშვნელობაზე, წაიკითხეს ლექსები, იმღერეს თემატური სიმღერები და წუთიერი დუმილით პატივი მიაგეს სამშობლოსათვის დაღუპულ მამულიშვილებს.
„ვაჩუქოთ ერთმანეთს ტიტები“ - ამ სიმღერით დაასრულეს მოკრძალებული ღონისძიება მე-7 კლასელებმა.
„მადლობა, გიორგი ზარქუას, უბადლო შესრულებისთვის. თამუნა მიქავას - მუდამ მზაობისთვის. მეიმედებით!“ - წერს პედაგოგი ფიქრია კვირიკაძე.
იხილეთ ფოტო-ვიდეომასალა:
