გიორგი მებონიას სახელობის წალენჯიხის მუნიციპალიტეტის ობუჯის თემის N1 საჯარო სკოლაში მოსწავლეთა ჩართულობა სხვადახვა კონკურსსა თუ საგანმანათლებლო ღონისძიებაში წახალისებული და მხარდაჭერილია. მოსწავლეებიც აქტიურობით გამოირჩევიან და წარმატებაც სახეზეა.
სკოლას წელს საჭადრაკო ტურნირის პრიზიორი ჰყავს.
ახლახან, დასრულდა რაიონის მოსწავლეთა შორის საჭადრაკო პირველობა, რომელიც მიმდინარეობდა სამ ასაკობრივ კატეგორიაში (ცხრა, თორმეტ და თვრამეტწლამდე).
ტურნირის ორგანიზატორი გახლდათ რაიონის სასპორტო ცენტრი.
ობუჯის თემის N1 საჯარო სკოლიდან ტურნირში მონაწილეობდა ცხრა მოსწავლე.
თორმეტწლამდელთა კატეგორიაში იასპარეზეს:
- ნიკა ვეკუამ;
- მიშიკო კონჯარიამ;
- ტასო კონჯარიამ;
- გიორგი კონჯარიამ.
თვრამეტწლამდელთა კატეგორიაში მონაწილეობდნენ:
- თაკო კონჯარია;
- ნინო ჩილაჩავა;
- ნინია მესხია;
- ბარბარე მესხია;
- სანდრო ქებურია.
სანდრო ქებურიამ, თვრამეტწლამდელთა კატეგორიაში მესამე, საპრიზო ადგილი მოიპოვა. ის დაჯილდოვდა თასით, მედლითა და დიპლომით. დანარჩენ მონაწილეებს გადაეცათ სიგელები.
მოსწავლეთა სპორტის მასწავლებელი ჯაბა კვარაცხელია გახლავთ, რომელიც მოზარდების სპორტულ განვითარებაზე აქტიურად ზრუნავს.
„მომავალში უფრო მეტი წარმატებები ჩვენს მოჭადრაკეებს“,- აღნიშნავენ სკოლაში და მოსწავლეებს ახალი მწვერვალების დაპყრობას უსურვებენ.
იხილეთ ფოტოები:
