ჭიათურის მუნიციპალიტეტის სოფელ შუქრუთის N1 საჯარო სკოლაში მეტად საინტერესო სასწავლო პროცესი მიმდინარეობს. პედაგოგები სწავლებისას საინეტრესო მეთოდებსა და სტრატეგიებს მიმართავენ.
ახლახან, შუქრუთის N1 საჯარო სკოლის მე-9 კლასის მოსწავლეებმა, ქიმიის მასწავლებელ მზევინარ ციციქიშვილის თაოსნობით, გამართეს საინტერესო პრეზენტაცია.
მოსწავლეებმა თემის - „პოლიმერების“ შესწავლის შემდეგ შექმნეს შემოქმედებითი პროდუქტი, სახელწოდებით - „პოლიეთილენი საფრთხე თუ სარგებელი“. შემდეგ სასკოლო საზოგადოების წინაშე საინეტრესო პრეზენტაციით წარდგნენ და ისაუბრეს პოლიეთილენის სასარგებლო თვისებებზე, ასევე პოლიეთილენისაგან გარემოსთვის მიყენებული ზიანის მასშტაბზე.
პრეზენტაციის შემდეგ დაარიგეს საინფორმაციო ბუკლეტები, ცნობიერების ამაღლების მიზნით.
მოსწავლეებმა საკითხის შესახებ ცოდნა გაიმდიდრეს და გარემოზე ზრუნვის მნიშვნელობა აღნიშნეს.
იხილეთ ფოტოები:
