გარდაბნის მუნიციპალიტეტის სოფელ თაზაქენდის საჯარო სკოლაში ისტორიისა და აზერბაიჯანული ენის მასწავლებლებმა, გიულშანდა ნეიმატოვამ და ჯამბაილ გასანოვმა - 5-დან 9 კლასის ჩათვლით ჩაატარეს ინტეგრირებული გაკვეთილი თემაზე: „ხოჯალის გენოციდი“.
გაკვეთილის მიზანი იყო მოსწავლეებისთვის 1992 წლის ხოჯალის ტრაგიკული მოვლენების შესახებ ცნობიერების ამაღლება და ისტორიული მეხსიერების შენარჩუნება. მასწავლებლებმა ყურადღება გაამახვილეს ამ ტრაგედიის გარემოებებზე, შედეგებსა და მის გავლენაზე თანამედროვე აზერბაიჯანის ისტორიასა და საზოგადოებაზე.
ინტეგრირებულმა გაკვეთილმა მოსწავლეებს საშუალება მისცა, მოვლენები არა მხოლოდ ისტორიული, არამედ ლინგვისტური და კულტურული თვალსაზრისითაც გაეაზრებინათ.
სკოლის ადმინისტრაციის განცხადებით, მსგავსი ტიპის გაკვეთილები ხელს უწყობს მოსწავლეებში კრიტიკული აზროვნების განვითარებას და მრავალმხრივი ისტორიული ცნობიერების ჩამოყალიბებას.
იხილეთ ფოტოები:
