შმაგი კუპატაძის სახელობის ჭიათურის მუნიციპალიტეტის სოფელ ღვითორის საჯარო სკოლის პედაგოგები სწავლებისას სხვადასხვა მეთოდსა და სტრატეგიას მიმართავენ. აღსანიშნავია პროექტებით სწავლება, რომელიც მოსწავლეებს 21-ე საუკუნისთვის საჭირო უნარ-ჩვევებს აძლევს და მოსწვლეთა მრავალმხრივ განვითარებას ემსახურება.
ახლახან, შმაგი კუპატაძის სახელობის ჭიათურის მუნიციპალიტეტის სოფელ ღვითორის საჯარო სკოლის საბაზო და საშუალო საფეხურის მოსწავლეებმა, გეოგრაფიის პედაგოგ ლიკა პაპიძის ხელმძღვანელობით, წარადგინეს ინოვაციური პროექტი – „მე გეოგრაფია ვარ“.
პროექტის მიზანი იყო მოსწავლეებისთვის გეოგრაფიის მნიშვნელობის გააზრება – როგორ მოქმედებს იგი სამყაროზე და თითოეულ ჩვენგანზე. მოსწავლეებმა შემოქმედებითად გააცოცხლეს გეოგრაფიული კანონზომიერებები და გლობალური პროცესები, რაც კიდევ ერთხელ უსვამს ხაზს საგნის პრაქტიკულ მნიშვნელობას.
პროექტის წარმატებულ განხორციელებაში მნიშვნელოვანი წვლილი შეიტანეს: სკოლის დირექტორმა, კომპიუტერული ტექნოლოგიების პედაგოგმა, ქიმიის პედაგოგმა და სახვითი და გამოყენებითი ხელოვნების პედაგოგმა.
„პროექტი კიდევ ერთი ნათელი მაგალითია, როგორ შეიძლება საგნები გავაცოცხლოთ და მოსწავლეები ცოდნისკენ შთაგონებით წავიყვანოთ“,- აღნიშნავენ სკოლაში და მოსწავლეებს კიდევ არაერთ საინტერესო პროექტს ჰპირდებიან.
იხილეთ ვიდეო:
