სენაკის მუნიციპალიტეტის სოფელ ნოქალაქევის საჯარო სკოლაში მოსწავლეთა შემოქმედებითობა წახალისებული და მხარდაჭერილია. შემოქმედი მოსწავლეები კი ნიჭსა და შესაძლებლობებს წარმატებით წარმოაჩინეს.
ახლახან, ნოქალაქევის საჯარო სკოლამ მონაწილეობა მიიღო საქართველოს კულტურის სამინისტროს, სენაკის მუნიციპალიტეტის მერიის, სენაკის საგანმანათლებლო რესურსცენტრის მხარდაჭერითა და სენაკის აკაკი ხორავას სახელობის პროფესიული სახელმწიფო დრამატული თეატრის ორგანიზებით გამართულ სასკოლო თეატრალურ ოლიმპიადაში.
ნოქალაქევის საჯარო სკოლის ნორჩი თეატრალები მაყურებლის წინაშე წარდგნენ სპექტაკლით - „ფარნავაზი – დაღუპვიდან აღზევებამდე“ და მაყურებლის მხურვალე აპლოდისმენტები დაიმსახურეს.
სასკოლო ოლიმპიადის მთავარი მიზანი კულტურის, განათლებისა და თეატრალური ხელოვნების პოპულარიზაცია, თეატრალურ ცხოვრებაში მეტი მოზარდის ჩართვა და ნიჭიერი ახალგაზრდების აღმოჩენაა.
იხილეთ ფოტები:
