წალენჯიხის მუნიციპალიტეტის ნაკიფუს თემის N1 საჯარო სკოლის პედაგოგები მოსწავლეთა გარემოსდაცვითი პასუხისმგებლობის ამაღლებაზე აქტიურად ზრუნავენ და ამ მიზნით არაერთ აქტივობასა თუ ღონისძიებას სთავაზობენ.
22 აპრილს, სასკოლო საზოგადოებამ, მოსწავლეთა აქტიური ჩართულობით, აღნიშნა დედამიწის დღე.
როგორც სკოლაში გვეუბნებიან, ღონისძიება მიზნად ისახავდა მოსწავლეებში სამოქალაქო ცნობიერების ამაღლებას გარემოს დაცვასთან დაკავშირებით.
„სხვადასხვა აქტივობებში მონაწილეობით ჩვენ კიდევ ერთხელ დავფიქრდით, რომ სუფთა გარემო ჩვენი კეთილდღეობის შეუცვლელი ნაწილია“,- გვეუბნებიან სკოლაში, სადაც არაერთი აქტივობა მოეწყო.
მოსწავლეებმა ლექსებით და სიმღერებით აღნიშნეს დედამიწის დღე, სპორტულ-გამაჯანსაღებელ აქტივობებში ჩაერთნენ და დაასუფთავეს სკოლის ტერიტორია, დარგეს მცენარეები.
პროექტს პედაგოგი თინათინ სონგულია ხელმძღვანელობდა.
იხილეთ ფოტოები:
