წალენჯიხის მუნიციპალიტეტის ნაკიფუს თემის N1 საჯარო სკოლის მოსწავლეები ეროვნულ ღირებულებებზე იზრდებიან, პედაგოგები მათი პატრიოტული სულისკვეთების ამაღლებაზე აქტიურად ზრუნავენ. მოსწავლე-მასწავლებელთა ყურადღების მიღმა არ რჩება ქვეყნისთვის მნიშვნელოვანი თარიღები.
რა თქმა უნდა, სკოლაში გაიხსენეს 1989 წლის 9 აპრილი, ტრაგიკული დღე, რომელიც დამოუკიდებლობის აღდგენის გზაზე გარდამტეხად იქცა. მოსწავლეებმა საქართველოს თავისუფლებისთვის დაღუპულ გმირთა ხსოვნას პატივი მიაგეს და თბილისში მომხდარ ტრაგიკულ მოვლენებზე ისაუბრეს.
როგორც სკოლაში გვეუბნებიან, ძალიან საინტერესო იყო, ნინო მასწავლებლის ხელმძღვანელობით, IV-VI კლასელების მიერ წარმოდგენილი 9 აპრილის გმირთა ხსოვნისადმი მიძღვნილი საღამო.
„ჩვენ ვსწავლობთ ჩვენი ქვეყნის ისტორიას, წარსული ხომ მკვიდრი საძირკველია აწმყოსი, რომ ვიცოდეთ საით წავიდეთ, უნდა ვიცოდეთ საიდან მოვდივართ“, "ჩვენ გვახსოვს 9 აპრილი", -აღინიშნა ღონისძიებაზე.
იხილეთ ვიდეო:
