წალენჯიხის მუნიციპალიტეტის ნაკიფუს თემის N1 საჯარო სკოლის პედაგოგები გარდა იმისა რომ ზრუნავენ მოსწავლეთა ხარისხიან საგნობრივ განათლებაზე, ასევე ახალისებენ მათ შემოქმედებითობასა და საინტერესო ინიციატივებს.
ასეთი მოტივირებული მოსწავლეა მე-2 კლასელი ნეკა კვარაცხელია, რომელსაც უყვარს კითხვა, წერა და ხატვა.
ნეკამ სასწავლო პროცესის ფარგლებში შექმნა ხელნაწერი წიგნი. წიგნი შთამბეჭდავი სანახავია, თან ახლავე მოსწავლისვე შექმნილი ილუსტრაციები.
სკოლაში მოსწავლის მონდომება და შემოქმედებითობა ახარებთ და მას ცოდნის მწვერვალების დაპყრობას უსურვებენ.
„წარმატებებს ვუსურვებთ ნიჭიერ და შრომისმოყვარე ნეკას“,- აღნიშნავენ სკოლაში.
მე-2 კლასელის მასწავლებელი მიმოზა ლუკავა გახლავთ, რომელიც მოსწავლეს მრავალმხივ განვითარებაზე ორიენტირებულ სასწავლო პროცესს სთავაზობს.
იხილეთ ფოტოები:
