1 მაისს, კავკასიის საერთაშორისო უნივერსიტეტსა (CIU) და საპატრიარქოს განათლების ცენტრს შორის ურთიერთთანამშრომლობის მემორანდუმი გაფორმდა.
შეხვედრას ესწრებოდნენ საქართველოს საპატრიარქოს წმინდა ნინოს სახელობის მართლმადიდებლური სკოლის დირექტორი ლალი მელივა და ადმინისტრაციის წარმომადგენლები.
ეს მნიშვნელოვანი პარტნიორობა CIU-ში ჩარიცხულ საპატრიარქოს განათლების ცენტრის სკოლების კურსდამთავრებულებს 40%-იან შიდა გრანტს სთავაზობს. გარდა ამისა, თანამშრომლობა მოიცავს პროფესიული ორიენტაციის ტრენინგებს, ეროვნული გამოცდებისთვის მოსამზადებელ აქტივობებსა და საინტერესო შემეცნებით-საგანმანათლებლო პროექტებს დამამთავრებელი კლასის მოსწავლეებისთვის. სიახლე სასიხარულოა პედაგოგებისთვისაც, რადგან CIU მათთვის გადამზადების პროგრამებს განახორციელებს.
მემორანდუმს ხელი მოაწერეს CIU-ს რექტორმა, კახაბერ კორძაიამ და საპატრიარქოს განათლების ცენტრის თავმჯდომარემ, მიტროპოლიტმა იოანე გამრეკელმა.
ღონისძიებაზე საინტერესო მოხსენებები წარადგინეს გიორგი ფარეშიშვილმა, მარინე უგულავამ და დავით გვეტაძემ. ასევე, სერტიფიკატები გადაეცათ CIU-ს სემინარის „კარიერული ორიენტაცია და აკადემიური მზაობა“ მონაწილეებს.
შეხვედრას სასულიერო პირები, საპატრიარქოს სკოლების დირექტორები, პედაგოგები და უნივერსიტეტის წარმომადგენლები ესწრებოდნენ.
ეს უმნიშვნელოვანესი თანამშრომლობაა CIU-სა და საპატრიარქოს განათლების ცენტრს შორის!
იხილეთ ფოტოები:
