გურძემის საჯარო სკოლის მოსწავლეებმა კონსტანტინე გამსახურდიას სახლ-მუზეუმი მოინახულეს
05-05-2025
მარტვილის მუნიციპალიტეტის სოფელ გურძემის საჯარო სკოლის მოსწავლეებისთვის გაიმართა საგანმანათლებლო გასვლითი პროექტი, რომელიც დიდი ქართველი მწერლისა და საზოგადო მოღვაწის, კონსტანტინე გამსახურდიას, ცხოვრებისა და შემოქმედების გაცნობას მიეძღვნა.
პროექტის ფარგლებში მოსწავლეებმა ძველი აბაშის კონსტანტინე გამსახურდიას სახლ-მუზეუმი მოინახულეს, სადაც მწერლის პირად ნივთებთან, ხელნაწერებთან და ცხოვრებისა თუ საქმიანობის ამსახველ ექსპონატებს გაეცნენ.
პროექტის ხელმძღვანელი და ორგანიზატორი იყო გურძემის სკოლის პედაგოგი კახა ჯგერენაია, რომლის თქმით, მიზანი იყო ახალგაზრდებისთვის ისტორიული მეხსიერების გაღრმავება და ქართული მწერლობის დიდ წარმომადგენელთან უშუალო კავშირის განცდის შექმნა.
იხილეთ ფოტოები:
სკოლების სიახლეები
