საქართველოს საპატრიარქოს წმიდა თამარ მეფის სახელობის სკოლა-გიმნაზიაში მოსწავლეთა მოტივაციის ამაღლებას მნიშვნელოვანი ყურადღება ექცევა, ამიტომ დირექცია და პედაგოგები მათ სასწავლო მიღწევებს ყოველთვის საზეიმოდ აღნიშნავენ და ახალისებენ. 

პარაკლისის შემდეგ, სკოლა-გიმნაზიის დირექტორმა, დეკანოზმა მირიან სამხარაძემ გიმნაზიის მოსწავლეებს, ოლიმპიადა „კინგსის“ 2024 წლის საშემოდგომო სეზონზე მონაწილეობისთვის, ლიგის მოწმობები და მედლები გადასცა.

მე-4^ბ კლასის მოსწავლე გიორგი იმერლიშვილი დაჯილდოვდა ვერცხლის მედლით- ინგლისური ენის ოლიმპიადაში მიღწეული წარმატებისთვის. მისი პედაგოგი მზიური კოჩალიძე გახლავთ.

მე-3^ბ კლასის მოსწავლე ქეთევან ბრწეგვაძე დაჯილდოვდა ოქროს მედლით, ასევე ინგლისური ენის ოლიმპიაში მოპოვებული ბრწყინვალე შედეგისთვის. მისი პედაგოგი ინგა ჩადუნელი გახლავთ.

მე-2^გ კლასის მოსწავლე გაბრიელ ხუბულავა დაჯილდოვდა ოქროს მედლით, მათემატიკის პლიმპიადაში წარმატებით ასპარეზობისთვის. მე-2 კლასელის პედაგოგი ნარგიზა შელია გახლავთ. 

იხილეთ ფოტოები: