ქუთაისის N4 საჯარო სკოლის მოსწავლე-მასწავლებლებმა რეზო ჭეიშვილის ხსოვნას პატივი მიაგეს
05-05-2025
ქუთაისის N4 საჯარო სკოლის VI კლასის მოსწავლეებისთვის საინტერესო გასვლითი ღონისძიება მოეწყო.
მე-6 კლასელები, კლასის ხელმძღვანელი ქეთევან კობეშავიძე და პედაგოგები - ელენა ბუაძე და დარეჯან გიგიაძე მწვანეყვავილას მწერალთა და საზოგადო მოღვაწეთა პანთეონს სტუმრობდნენ.
მათ დრამატურგის, მწერლის, სცენარისტისა და ფილოლოგის - რეზო ჭეიშვილის საფლავი მოინახულეს და მის ხსოვნას პატივი მიაგეს. გასვლითი ღონისძიებით მოსწავლეებმა მწერლის საიბილეო თარიღი აღნიშნეს.
მოსწავლე-მასწავლებლებმა გაიხსენეს მისი მოღვაწეობა, ისაუბრეს მისი ცხოვრებისა და შემოქმედების შესახებ.
რეზო ჭეიშვილი 1933 წლის 24 აპრილს დაიბადა. მას არაერთი ცნობილი ნაწარმოები აქვს შექმნილი. მათ შორისაა - „ცისფერი მთები,“ „ჩემი მეგობარი ნოდარი,“ „მუსიკა ქარში“ და სხვ.
იხილეთ ფოტოები:
სკოლების სიახლეები
