ცაგერის მუნიციპალიტეტის მერიის „ქალთა და ბავშვთა უფლებების დაცვის ცენტრის ორგანიზებით, (ხელმძღვანელი - მარინე სვანიძე) ლეჩხუმის განათლების სახლში (ხელმძღვანელი - იზოლდა ხვადაგიანი) ჩატარდა ღონისძიება - „ინოვაცია და წარმატება - ჩვენი მომავალია“.
შეხვედრა ეძღვნებოდა ცაგერის მუნიციპალიტეტის სოფელ დეხვირის საჯარო სკოლის წარმატებული პროექტების წარდგენასა და გამოცდილების გაზიარებას.
ღონისძიებას სპეციალური სტუმრის სტატუსით ესწრებოდა სოფელ ცხუკუშერის დაწყებითი კლასის მასწავლებელი - ზურა ციბაძე თავისი ოჯახითა და ერთადერთი მოსწავლით, რომლებმაც შემოქმედებითად გაალამაზეს საღამო.
ასევე, ღონისძიებას მიწვეული სტუმრის სტატუსით ესწრებოდნენ დეხვირის საჯარო სკოლის ღვაწლმოსილი პედაგოგები: გულივერ ბრეგვაძე, თამაზ ხეცურიანი და პაშა ახვლედიანი.
ღონისძიებაში მონაწილეობდნენ დეხვირის საჯარო სკოლის მოსწავლეები, რომლებიც ჩართულნი არიან ლეჩხუმის განათლების სახლის სოციალურ პროექტში - „გერმანული ენის უფასო სწავლება“. (პედაგოგი- იზოლდა ხვადაგიანი)
შემაჯამებელი სიტყვით გამოვიდნენ ცაგერის მუნიციპალიტეტის მერის პირველი მოადგილე- ვასილ საღინაძე, საგანმანათლებლო რესურსცენტრის ხელმძღვანელი - ირაკლი სილაგაძე, მერიის კულტურის სამსახურის უფროსი - გოგი კვირიკაშვილი, ლეჩხუმის განათლების სახლის მთავარი მენეჯერი - იზოლდა ხვადაგიანი, ცენტრის თანამშრომელი - ნანა კოპალიანი, ცენტრის ხელმძღვანელი მარინე სვანიძე და მოადგილე იზა ხეცურიანი. ღონისძიებას ესწრებოდნენ, ასევე, ცაგერის მუნიციპალიტეტის საკრებულოს თავმჯდომარის მოადგილე - გიორგი გუგავა და მერიის საფინანსო სამსახურის ხელმძღვანელი - მამუკა ლეთოდიანი.
„დიდი მადლობა ღონისძიების ორგანიზატორებს, მოწვეულ სტუმრებსა და ყველა მონაწილეს! სკოლას საჩუქრად გადაეცა სიმბოლური საჩუქარი განათლებისადმი სიყვარულისა და გამოცდილების გაზიარებისათვის!“,- აღნიშნავენ სკოლაში და დასძენენ, რომ კიდევ ერთი ღირსშესანიშნავი და დასამახსოვრებელი დღე ჩაიწერა საუკუნენახევრიანი სკოლის მატეანეში.
იხილეთ ფოტოები:
