ახალქალაქის მუნიციპალიტეტის სოფელ ხულგუმოს საჯარო სკოლაში სასწავლო პროცესი გაჯერებულია საინტერესო საგანმანათლებლო აქტივობებითა თუ ღონისძიებებით.
მათ შორის აღსანიშნავია მეტად შემეცნებითი აქტივობა თემაზე - „საინფორმაციო მედია წარსულში და დღეს“, რომელიც მასწავლებელმა ანა პეტროსიანმა, ბილინგვური სწავლების სპეციალისტ მარიამ ზარიძესთან ერთად მოაწყო.
აქტივობისთვის მოსწავლეები სათანადოდ მოემზადნენ - მათ დაევალად ძველი და ახალი მედიის შედარება ნახატების საშუალებით.
მოსწავლეებმა გაიაზრეს ის აშკარა სამეცნიერო და ტექნოლოგიური პროგრესი, რაც მედიამ გაიარა.
მოსწავლეები დაიყვნენ ჯგუფებად: პირველი ჯგუფის სამუშაო თემა იყო - „ფოსტა“, მეორე ჯგუფის - „პროგნოზი“, მესამე ჯგუფს „SOS სიგნალი“ ერგო, მე-4-ს კი „წერილის გაგზავნა“.
მოსწავლეებმა სამაგალითოდ გაართვეს თავი დავალებას და საკუთარი მონდომებითა და შემოქმედებითობით მასწავლებლებიც კი გააოცეს.
თემის შესაბამისი ულამაზესი სურათები, ქართულ ენაზე მოთხრობილი საინტერესო ისტორიები, სხარტად გაცმული პასუხები, განვითარებადი თემა - ასე აღწერენ სკოლაში მოსწავლეთა წარმოდგენილ პრეზენტაციებს.
აქტივობა მოსწავლეებისთვის მეტად შემეცნებითი აღმოჩნდა, მათ თუ დღემდე საკომუნიკაციო საშუალებებიდან მხოლოდ ტელეფონის შესახებ იცოდნენ, აქტივობის დახმარებით ცოდნა გაიმდიდრეს და წარსულში იმოგზაურეს.
იხილეთ ფოტოები:
