ავთანდილ დეკანოიძის სახელობის ქალაქ ქუთაისის N32 საჯარო სკოლის პედაგოგი სალომე თადუმაძე გარდა წარმატებული პედაგოგიური საქმიანობისა შემოქმედებითი ნიჭით გამოირჩევა. პედაგოგი საინტერესო კალიგრაფიულ ნამუშევრებს ქმნის.
ახლახან, მან კალიგრაფიის კონკურსში გაიმარჯვა და ოქროს სიგელი გადაეცა. კონკურსში არაერთი საინტერესო ნამუშევარი იყო წარდგენილი, თუმცა სწორედ მისი ნამუშევარი გამოირჩა დახვეწილი ხელწერით, სიზუსტითა და ესთეტიურობით.
გამარჯვება კიდევ ერთხელ უსვამს ხაზს იმ პატივისცემასა და აღიარებას, რომელსაც იგი მოსწავლეების, კოლეგებისა და სკოლის ადმინისტრაციის მხრიდან იმსახურებს.
სკოლაში მას წარმატებას ულოცავენ და წინსვლას უსურვებენ.
„ჩვენი სკოლის ულამაზეს, უსაყვარლესსა და უმშვენიერეს პედაგოგს, თავისი საქმის უბადლო პროფესიონალს, ქალბატონ სალომე თადუმაძეს, ვულოცავთ კალიგრაფიის კონკურსში გამარჯვებას! დამსახურებულ ჯილდოს - ოქროს სიგელს და ვუსურვებთ ბევრ წინსვლასა და წარმატებას!“,- აღნიშნავენ სკოლაში.
იხილეთ ფოტოები:
