მცხეთის მუნიციპალიტეტის სოფელ ნიჩბისის საჯარო სკოლის პედაგოგები მოსწავლეთა გარემოსდაცვითი პარუსიხმგებლობის ამაღლებაზე ზრუნავენ და ამ მიზნით არაერთ ღონისძიებასა თუ აქტივობას სთავაზობენ.
მათ შორის აღსანიშნავია, გრძელვადიანი პროექტი, რომელიც 2024-2025 სასწავლო წლის ოქტომბერში დაიწყო და აპრილში დედემიწის საერთაშორისო დღემდე გაგრძელდა. პროექტი სკოლის მე-3ა და მე-3ბ კლასების მოსწავლეებმა განახორციელეს დამრიგებლების - ეკა პატიაშვილისა და ნატო ვასაძის, ხელმძღვანელობით. პროექტი სახელწოდებით - „მრავალფეროვანი ბუნება“, ემსახურებოდა მდგრადი განვითარების მე-15 მიზანს: „დედამიწის ეკოსისტემების დაცვა, აღდგენა და მდგრადი გამოყენება, ტყეების გონივრული მართვა, გაუდაბურების აღკვეთა, ნიადაგის დეგრადაციის შეჩერება და აღდგენა-გაუმჯობესება, ბიომრავალფეროვნების შენარჩუნება“.
პროექტის მიზანია - მოსწავლეებმა გააცნობიერონ სამყარო მათ ირგვლივ ისე, რომ სრულფასოვან ინდივიდებად ჩამოყალიბებაში დაეხმაროს მათ და გახდნენ აქტიური და პასუხისმგებლიანი მოქალაქეები.
- გააცნობიერონ საკუთარი კულტურა, სხვების კულტურული მრავალფეროვნების პატივისცემა;
- გახდნენ აქტიური მოქალაქენი, რომელთაც შეუძლიათ თანაგანცდა;
- შეძლონ ბუნებასთან ჰარმონიაში თანაცხოვრება, ნებისმიერი ქმედების დაგეგმვისას აიღონ პასუხისმგებლობა, გაიაზრონ თუ როგორ გარემოში უნდათ ცხოვრება;
- იმსჯელონ დედამიწის ბიომრავალფეროვნების მნიშვნელობასა და საფრთხეებზე;
- წვლილი შეიტანონ ბიომრავალფეროვნების დაცვის საქმეში.
პროექტის ფარგლებში ჩატარდა სხვადასხვა აქტივობა, რომლებშიც მოსწავლეები ხალისით და აქტიურად მონაწილეობდნენ. მათ გააცნობიერებს რომ თითოეულ ჩვენგანს შეგვიძლია საკუთარი წვლილი შევიტანოთ ეკოლოგიური პრობლემების მოგვარებაში.
დედამიწის დღე აღნიშნეს სკოლის მე-2 კლასელებმაც, პედაგოგ ელზა ოსეფაშვილის ხელმძღვანელობით. პატარებმა გარემოს დაცვის მნიშვნელობა ნათლად გაიაზრეს და ერთხმად აღნიშნეს, რომ დედამიწა ჩვენი საერთო სახლია და მას დაცვა და მოფრთხილება სჭირდება.
იხილეთ ფოტო-ვიდეომასალა:
