დედამიწა რომ ჩვენი საერთო სახლია და მას დაცვა და მოფრთხილება სჭირდება კასპის მუნიციპალიტეტის სოფელ ქვემო ხანდაკის საჯარო სკოლის მოსწავლეებმა კარგად იციან, რადგან მათი ეკოცნობიერების ამაღლებაზე დირექცია და პედაგოგები აქტიურად ზრუნავენ.
დედამიწის დღის კვირეულის ფარგლებში, II და III კლასების მოსწავლეებმა (სულ ხუთი მოსწავლე) საინტერესო პრეზენტაცია წარმოადგინეს დედამიწის დღის მნიშვნელობის, გარემოსდაცვითი ინიციატივების, ეკოლოგიური მდგომარეობის შესახებ, ყურადღება გაამახვილეს ნარჩენების შემცირებაზე, აღნიშნეს რომ მათი გადამუშავებით შეგვიძლია ერთდროულად დავზოგოთ ენერგია, რესურსები და შევამციროთ ნარჩენები. (მდგრადი განვითარების მე - 12 და მე-17 მიზანი).
ეს ინფორმაცია პატარა პრეზენტატორებმა გააცნეს სკოლის სხვა მოსწავლეებს და პედაგოგებს. ბოლოს დედამიწის სიყვარული და მუდმივი მზრუნველობა ხელის ანაბეჭდით დაადასტურეს.
აქტივობა მომზადდა პედაგოგ ლალი მურადაშვილის დახმარებით, დედამიწის დღის კვირეულის ფარგლებში.
იხილეთ ფოტოები:
