ხულგუმოს საჯარო სკოლაში სომეხთა გენოციდის მსხვერპლთა ხსოვნის საღამო მოეწყო
02-05-2025
ახალქალაქის მუნიციპალიტეტის სოფელ ხულგუმოს საჯარო სკოლის მოსწავლეებმა სომეხთა გენოციდის მსხვერპლთა ხსოვნას პატივი მიაგეს და ტრაგიკული მოვლენები გაიხსენეს.
პედაგოგმა - ანნა პეტროსიანმა, სკოლაში უდანაშაულო მსხვერპლთა ხსოვნის დღე მოაწყო. ღონისძიებაში მთელი სკოლა მონაწილეობდა.
როგორც სკოლაში გვეუბნებიან, ღონისძიება იყო მტკივნეული შეხსენება სომეხი ერის ტანჯული და უდანაშაულო მსხვერპლის შესახებ.
„დღეს ჩვენ ქედს ვიხრით სომეხთა გენოციდის მსხვერპლთა ხსოვნის წინაშე. ჩვენი ისტორია მტკივნეულია, მაგრამ ეს არის ის ისტორია, რომელიც გვაძლიერებს და გვაერთიანებს. 24 აპრილი მთელი სომეხი ხალხის გლოვის დღედ ითვლება. 1915 წლის 24 აპრილს მოხდა 1 500000 სომეხის ხოცვა-ჟლეტა, რომელიც არასოდეს იქნება დავიწყებული“,- აღინიშნა სკოლაში.
იხილეთ ფოტოები:
სკოლების სიახლეები
