ყვარლის მუნიციპალიტეტის სოფელ სარუსოს საჯარო სკოლაში დედაენის დღე საზეიმოდ აღინიშნა. ღონისძიების ფარგლებში სკოლაში კალიგრაფიის კონკურსი გაიმართა, რომელშიც აქტიურად ჩაერთვნენ სხვადასხვა კლასის მოსწავლეები.

კონკურსის მონაწილეებმა საკუთარი ხელით შექმნეს გამორჩეული და მაღალი ესთეტიკური ღირებულების ნამუშევრები. ღონისძიებამ განსაკუთრებული მნიშვნელობა მიანიჭა ქართული ენის სილამაზის წარმოჩენასა და კალიგრაფიული ხელოვნების პოპულარიზაციას.

საზეიმო ვითარებაში კონკურსის მონაწილეებსა და გამარჯვებულებს გადაეცათ სერტიფიკატები და სამახსოვრო საჩუქრები.

სკოლის წარმომადგენლები მადლობას უხდიან ყველა მოსწავლეს აქტიური ჩართულობისთვის და მხარდაჭერისთვის, ხოლო მსგავსი ინიციატივები მომავალშიც გაგრძელდება.

იხილეთ ფოტოები: