ყვარლის მუნიციპალიტეტის სოფელ გავაზის საჯარო სკოლის IX კლასის მოსწავლეები, მასწავლებლებთან ერთად კოლეჯში „აისი“ ექსკურსიაზე იმყოფებოდნენ.
კოლეჯის პროფორიენტაციისა და კარიერის დაგეგმვის მენეჯერმა, თამარ გეთიაშვილმა სტუმრებს პროფესიულ-საგანმანათლებლო პროგრამები გააცნო. მიაწოდა ინფორმაცია რეგისტრაციის ვადების, ტესტირებისა და ჩარიცხვის პროცედურების შესახებ.
მოსწავლეებმა დაათვალიერეს კოლეჯის მატერიალურ-ტექნიკური ბაზა: სახელოსნოები, ლაბორატორიები, თეორიული სწავლების კლას-კაბინეტები და სტუდენტთა საცხოვრებელი. პროფესიული განათლების მასწავლებლებისგან მოისმინეს ინფორმაცია სხვადასხვა სასწავლო პროგრამების შესახებ.
ექსკურსიები პროფესიულ კოლეჯებში ხელს უწყობს სკოლის მოსწავლეთა ინფორმირებას პროფესიული განათლების მნიშვნელობასა და შესაძლებლობებზე, რაც მათ დაეხმარება პროფესიის შერჩევის დროს სწორი გადაწყვეტილების მიღებაში.
