შულავერის N2 სკოლის მოსწავლეები ქართული ენის დღისადმი მიძღვნილ კონფერენციაში მონაწილეობდნენ
02-05-2025
მარნეულის მუნიციპალიტეტის სოფელ შულავერის N2 საჯარო სკოლაში მოსწავლეთა ჩართულობა სხვადასხვა საგანმანათლებლო პროექტსა თუ ღონისძიებაში წახალისებული და მხარდაჭერილია. მოტივირებული მოსწავლეები კი აქტიურობით გამოირჩევიან.
მათ შორის, შულავერის N2 საჯარო სკოლის მოსწავლეები, პედაგოგ ნათია გოგიაშვილის ხელმძღვანელობით, მონაწილეობდნენ ინტერნაციონალური მაარიფის სკოლები საქართველოში-ს ორგანიზებულ დედაენის დღისადმი მიძღვნილ კონფერენციაში - „ქართული ენა გვაერთიანებს!“, რომელიც 14 აპრილს გაიმართა.
მოსწავლეები კონფერენციაზე წარმატებით, საინტერესო მოხსენებებით წარდგნენ.
კონფერენცია მიზნად ისახავდა ქართული ენის მნიშვნელობისა და როლის განხილვას კულტურულ, სოციალურ და საგანმანათლებლო კონტექსტში, განსაკუთრებით მულტიკულტურულ გარემოში.
იხილეთ ფოტოები:
სკოლების სიახლეები
