საგარეჯოს მუნიციპალიტეტის სოფელ გომბორის საჯარო სკოლაში სასწავლო პროცესი გაჯერებულია მრავალფეროვანი საგანმანათლებლო ღონისძიებებითა და ინიციატივებით, რაც მოსწავლეთა მრავალმხრივ განვითარებასა და თვალსაწიერის გაფართოებას ემსახურება.
25 აპრილს სკოლაში დნმ-ის საერთაშორისო დღეს გამოეხმაურნენ.
სკოლაში ზუსტ და საბუნებისმეტყველო კათედრის ორგანიზებით, გაიმართა დნმ-ის საერთაშორისო დღისადმი მიძღვნილი ღონისძიება, რომელშიც საბაზო და საშუალო საფეხურის მოსწავლეები მონაწილეობდნენ.
მათ წარმოადგინეს საინტერესო პრეზენტაცია თემებზე - დნმ-ის აღმოჩენის ისტორია, დმნ-ის ანაბეჭდი და მისი გამოყენება, ასევე მოსწავლეებმა დაამზადეს დნმ-ის მოდელები, ასაწყობი დნმ-ი, გააფორმეს კედლის გაზეთი.
პრეზენტაცია მეტად საინტერესოდ წარიმართა, მოსწავლეებმა საკითხის შესახებ ცოდნა გაიღრმავეს და ბევრი ახალი ინფორმაციაც მოიძეს.
იხილეთ ფოტოები:
