საგარეჯოს მუნიციპალიტეტის სოფელ უჯარმის საჯარო სკოლაში ქვეყნისთვის მნიშვნელოვანი დღესასწაულები განსაკუთრებულად აღინიშნება. ცხადია მოსწავლე-მასწავლებელთა ყურადღების მიღმა არ დარჩენილა დედაენის დღე. ამ მნიშვნელოვან ეროვნულ დღეს სკოლაში კვირეული მიეძღვნა.
კვირეულის ფარგლებში ენის სიყვარულითა და პატივისცემით განმსჭვალული ღონისძიებების სერია გაიმართა, რაც მოსწავლეებისთვის მეტად საინტერესო და შემეცნებითი აღმოჩნდა.
კვირეული დაწყებითი საფეხურის მოსწავლეებმა საინტერესო ღონისძიებით დაასრულეს.
ბავშვებმა წარმოადგინეს ნახატები გოგებაშვილის ნაწარმოებებიდან, საკუთარი ხელით შექმნეს დედაენის“ მათეული ვერსია, ასევე მოეწყო კალიგრაფიის კონკურსი.
მოსწავლეებმა საინტერესო კალიგრაფიული ნამუშევრები შექმნეს, გამარჯვებულებს კი გადაეცათ სერტიფიკატები. სახალისო აღმოჩნდა გამოცნობანა ხატოვან გამოთქმებზე.
ღონისძიების დასასრულს კი ლექსებითა და სიმღერებით მოეფერნენ პატარები მშობლიურ ენას.
იხილეთ ფოტოები:
