ცაგერის მუნიციპალიტეტის სოფელ დეხვირის საჯარო სკოლის პედაგოგები მოსწავლეთა გარემოსდაცვითი პასუხისმგებლობის ამაღლებაზე ზრუნავენ და მათ ბუნებრივი რესურსების დაცვასა და მოფრთხილებას ასწავლიან.
დედამიწის დღისადმი მიძღვნილ კვირეულს აქტიურად შეუერთდა სკოლის სახვითი და გამოყენებითი ხელოვნების მასწავლებელი ციცინო გუგავა.
მან, მოსწავლეებთან ერთად, პლასტმასის ბოთლების გამოყენებით, ნივთებს აჩუქა მეორე სიცოცხლე.
ბავშვები აქტიურად ჩაერთნენ აღნიშნულ ღონისძიებაში და ხალისით შეასრულეს თითოეული აქტივობა, მიღებულმა შედეგმა კი მოსწავლეები დაარწმუნა, რომ შეგვიძლია ნარჩენების დახმარებით უამრავი ღირებული და მნიშვნელოვანი ნივთი შევქმნათ, რომელსაც გამოვიყენებთ ყოველდღიურ ცხოვრებაში.
„ჩვენ ერთად ვზრუნავთ დედამიწაზე, იზრუნე შენც!“,-ასეთია მოსწავლეთა მოწოდება.
იხილეთ ფოტოები:
