ქუთაისის N36 საჯარო სკოლის პედაგოგები მოსწავლეებს წიგნის სიყვარულს დაწყებითი კლასებიდანვე შთააგონებენ და მათი წიგნიერების დონის ამაღლებაზე ზრუნავენ.
სკოლის მე-3ა კლასელებმა უკვე დაამკვიდრეს წიგნის ჩუქების ტრადიცია. დიდი ყურადღებითა და მზრუნველობით შერჩეული ლიტერატურა საზეიმოდ გადასცეს ერთმანეთს. სამახსოვროდ წერილებიც დაურთეს, პირობაც არ დაავიწყდათ: „აუცილებლად წავიკითხავთ და მერე ერთმანეთს გავუზიარებთ შთაბეჭდილებებს!“
„წიგნის ჩუქება ყველა საჩუქარს ერთად მოიცავს: ცოდნასაც და განცდასაც, სიხარულსაც და ტკივილის გაძლების სწავლასაც, ნივთს, ჩაფიქრებას, დაკვირვებას, ამ დაკვირვებით გაკვირვებას. წიგნი კაცობრიობის მეხსიერების ჯამია,ლიტერატურა ყველაზე მთავარი და ყველაზე გენიალური გამოგონებაა კაცობრიობის ისტორიაში“, - აღნიშნავენ სკოლაში და მოსწავლეებსაც აღნიშნულს შთააგონებენ.
იხილეთ ფოტოები:
