თბილისის N136 საჯარო სკოლის ბიბლიოთეკას მოსწავლეებმა საჩუქრად წიგნები გადასცეს
28-04-2025
თბილისის N136 საჯარო სკოლის მოსწავლეები წიგნის ჩუქების კამპანიას შეუერთდნენ.
წიგნის ჩუქების დღეს, მეექვსე და მეოთხე კლასის მოსწავლეებმა ქართული ენისა და ლიტერატურის მასწავლებელ მაკა გაბუნიასთან ერთად, სიყვარულითა და მზრუნველობით შეარჩიეს წიგნები და საჩუქრად გადასცეს ისინი სკოლის ბიბლიოთეკას.
თითოეული გადაცემული წიგნი ბავშვების გულიდან მოდიოდა - როგორც ცოდნის, მეგობრობისა და განუზომელი ფანტაზიის პატარა საგანძური, რომელიც ახლა სხვა ბავშვების ხელში გააგრძელებს სიცოცხლეს. ეს იყო გულწრფელი ნაბიჯი საერთო სიკეთისთვის - იქ, სადაც თითოეული წაკითხული სიტყვა ახალ სამყაროს ხსნის.
იხილეთ ფოტოები:
სკოლების სიახლეები
