ქუთაისის N24 საჯარო სკოლაში თეატრალური დასი „დრამალაბი“ შეიქმნა - მოსწავლეები ქართულ კინოკლასიკას სცენაზე აცოცხლებენ
28-04-2025
ქუთაისის N24 საჯარო სკოლამ ახალი და ინოვაციური ნაბიჯი გადადგა კულტურული განათლების მიმართულებით - სკოლაში ჩამოყალიბდა თეატრალური დასი სახელწოდებით „დრამალაბი“, რომელიც მოსწავლეების ხელოვნებისა და შემოქმედებითი უნარების განვითარების ხელშეწყობას ემსახურება.
დასის მთავარი კონცეფციაა ძველი ქართული კინოფილმების თეატრალური ინტერპრეტაცია — ახალგაზრდები სცენაზე აცოცხლებენ კინოეკრანზე კარგად ნაცნობ პერსონაჟებს და ამბებს.
თეატრალური სეზონის გახსნაზე „დრამალაბი“ მაყურებელს წარმოდგენას სთავაზობს ნოდარ დუმბაძის რომანის მიხედვით: „მე ვხედავ მზეს“.
სპექტაკლში, მოსწავლეები განსაკუთრებული ოსტატობით წარმოაჩენენ დრამატურგიას, პერსონაჟების ფსიქოლოგიურ სიღრმეს და ეროვნულ ღირებულებებს.
იხილეთ ვიდეო:
სკოლების სიახლეები
