ფახულანის თემის N1 საჯარო სკოლაში აღდგომის დღესასწაულთან დაკავშირებით ჩატარდა კონკურსი, რომელიც ბიბლიურ თემას ეხებოდა
28-04-2025
აკადემიკოს ვიქტორ გუჩუას სახელობის წალენჯიხის მუნიციპალიტეტის ფახულანის თემის N1 საჯარო სკოლაში გაიმართა ბიბლიური კონკურსი სახელწოდებით „ჩვენ ვსწავლობთ სახარებას“. ღონისძიებაში მონაწილეობდნენ მერვე კლასის გუნდი „ემანუელი“ და მეშვიდე კლასის გუნდი „ბეთლემი“.
საინტერესო და შთამაგონებელი კონკურსის შედეგად გამარჯვება მოიპოვა მეშვიდე კლასის გუნდმა – „ბეთლემი“. მონაწილეებმა ცოდნა სახარების თემაზე დამაჯერებლად წარმოაჩინეს და მსაჯთა დიდი მოწონება დაიმსახურეს.
კონკურსსი მონაწილეებს ამხნევებდნენ სკოლის პედაგოგები, მშობლები და თანაკლასელები. როგორც ორგანიზატორებმა აღნიშნეს, მსგავსი აქტივობები ხელს უწყობს მოსწავლეებში სულიერ-ზნეობრივი ღირებულებების განმტკიცებას.
იხილეთ ვიდეო და ფოტოები:
სკოლების სიახლეები
