ილო მოსაშვილის სახელობის სიღნაღის მუნიციპალიტეტის სოფელ ვაქირის საჯარო სკოლის მოსწავლეები ინგლისურ ენას საინტერესო და სახალისო აქტივობებით სწავლობენ.
ახლახან, სკოლაში ინგლისური ენის კვირეული ჩატარდა, სადაც 1-ელიდან - მე-12 კლასის ჩათვლით მოსწავლეები მონაწილეობდნენ.
კვირეულის ფარგლებში არაერთი საინტერესო და სახალისო აქტივობა განხორციელდა. მათ შორის გაიმართა ვიქტორინა, მოსწავლეებმა გამოუშვეს ინგლისურენოვანი კედლის გაზეთი, მე-2 კლასის მოსწავლეებმა კი ზღაპრის გმირები გააცოცხლეს და ლამაზი წარმოდგენა დადგეს.
კვირეულში აქტიურად იყვნენ ჩართულნი ინგლისური ენის პედაგოგები - მაია ნანობაშვილი, ნონა ქემაშვილი და ნათელა შოშიაშვილი.
კვირეული მოსწავლეებისთვის სასწავლო-შემეცნებითთან ერთად სახალისო და თავშესაქცევი აღმოჩნდა. ბავშვებმა ენობრივი მარაგი გაიმდიდრეს და ახალი ცოდნა და გამოცდილება შეიძინეს.
იხილეთ ფოტოები:
