საქართველოს საპატრიარქოს კახათის წმინდა გიორგის სახელობის მართლმამდიდებლური სკოლა-გიმნაზიის მოსწავლეები ეროვნულ ფასეულობებსა და პატრიოტულ მოტივებზე იზრდებიან, ცხადია სკოლაში ქვეყნისთვის მნიშვნელოვანი თარიღებიც განსაკუთრებულად აღინიშნება.
14 აპრილს საქართველოში დედაენის დღეს აღვნიშნავთ. ამ უმნიშვნელოვანეს ეროვნულ დღესასწაულს სკოლაში კვირეული მიეძღვნა.
კვირეულის ფარგლებში სკოლაში განხორციელდა მრავალფეროვანი აქტივობები და ღონისძიებები.
მათ შორის, განსაკუთრებული ყურადღება დაეთმო მე-7, მე-9 და მე-11 კლასის მოსწავლეთა კონფერენციას.
ბავშვები საინტერესო თემებითა და ნამუშევრებით წარდგნენ სასკოლო საზოგადოების წინაშე და ხოტბა შეასხეს ქართულ ენას, მის როლს ერის თვითმყოფადობის შენარჩუნებაში.
კონფერენციას პედაგოგი ნატა ბუცხრიკიძე ხელმძღვანელობდა.
იხილეთ ფოტოები:
