თბილისის N61 საჯარო სკოლის VIIIზ კლასის მოსწავლეებმა, რომელთა კლასის ხელმძღვანელი მადონა ძნელაძეა, 14 აპრილის ეს ისტორიული მნიშვნელობის თარიღი დიდი სიყვარულითა და ზეიმით აღნიშნეს.
მოსწავლეთა გამოსვლა გულწრფელობითა და მაღალი ინტელექტით გამოირჩეოდა. მათ კიდევ ერთხელ გაიხსენეს დიდებული წარსული ქართველი ერისა და მისი იდენტობის უმთავრესი ნიშნის - ქართული ენის ქარცეცხლიანი გზა...
სიტყვას სცვლიდა ლექსი, ლექსს - სიმღერა და ეროვნული ცეკვები. მოეწყო კლასის გამოჩეული მხატვრებისა და ნორჩი მოქანდაკის ნამუშევრების გამოფენა. დამსწრე საზოგადოებამ - სკოლის დირექტორის მოადგილემ, მადინა ბაღდავაძემ, საინფორმაციო მენეჯერმა, მარინა ხუციშვილმა, სკოლის სოციალურმა მუშაკმა, ნაზი ბარბაქაძემ, სხვადასხვა საგნის მასწავლებლებმა მადლობა გადაუხადეს ჩვენი ენის მომავალ ქომაგებს საინტერესო ღონისძიებისათვის.
იხილეთ ფოტოები:
