კაცხის საჯარო სკოლის მოსწავლის - ანი ლოლაძის ბრწყინვალე წარმატება სპორტული ცეკვების საერთაშორისო ჩემპიონატზე
17-04-2025
ჭიათურის მუნიციპალიტეტის სოფელ კაცხის საჯარო სკოლაში არაერთი წარმატებული მოსწავლე სწავლობს, რომელთა მიღწევები სასკოლო საზოგადოებისთვის საამაყოა.
ამჯერად, სკოლაში X კლასის მოსწავლის - ანი ლოლაძის წარმატებას ზეიმობენ.
მოსწავლემ სომხეთის დედაქალაქ ერევანში სპორტული ცეკვების საერთაშორისო ჩემპიონატზე წარმატებით იასპარეზა და სხვადასხვა კატეგორიაში მოიპოვა 3 პირველი და 2 მეორე ადგილი.
სკოლაში მოსწავლეს წარმატებას ულოცავენ და ახალი მწვერვალების დაპყრობას უსურვებენ.
„სკოლა გულითადად ულოცავს X კლასის მოსწავლეს - ანი ლოლაძეს სომხეთის დედაქალაქ ერევანში სპორტული ცეკვების საერთაშორისო ჩემპიონატში წარმატებით ასპარეზობას, სადაც მან მოიპოვა 3 პირველი და 2 მეორე ადგილი. სკოლა ანის უსურვებს კიდევ მრავალ წარმატებას“,- აღნიშნავენ სკოლაში.
იხილეთ ფოტოები:
სკოლების სიახლეები
