ნინოწმინდის მუნიციპალიტეტის სოფელ გორელოვკის N3 საჯარო სკოლაში 1989 წლის 9 აპრილის ტრაგიკული მოვლენები გაიხსენეს.
მე-3 კლასის მოსწავლეებს შემეცნებითი თემატური გაკვეთილი ჩაუტარდათ, სადაც პედაგოგი ესაუბრა იმ ტრაგიკული დღის შესახებ, რომელის ქვეყნის დამოუკიდებლობის აღდგენას დაედო საფუძვლად.
„ჩვენ გვახსოვს 9 აპრილი!“- ერთხმად აღნიშნეს მოსწავლეებმა და პატივი მიაგეს საქართველოს თავისუფლებისთვის დაღუპულ გმირთა ხსოვნას.
გაკვეთილის შემდეგ მე-3 კლასელებმა გმირთა ხსოვნის უკვდავსაყოფად კედლის გაზეთი შექმნეს.
შეგახსენებთ, რომ 1989 წლის 9 აპრილს გამთენიისას თბილისში, რუსთაველის გამზირზე, საბჭოთა კავშირის სადამსჯელო ნაწილებმა მშვიდობიანი საპროტესტო აქცია დაარბიეს. შედეგად, დაიღუპა 21 ადამიანი, 2000-ამდე პირი კი მოიწამლა. ზუსტად 2 წლის შემდეგ, საქართველოს უზენაესმა საბჭომ, ზვიად გამსახურდიას მეთაურობით, საქართველოს დამოუკიდებლობის აქტი მიიღო. 9 აპრილი საქართველოს უახლეს ისტორიაში ტრაგედიისა და ამავდროულად, საქართველოს დამოუკიდებლობის აღდგენის დღედ ჩაეწერა.
იხილეთ ფოტოები:
