საინფორმაციო პოსტები, ელექტრონული რესურსები და კალიგრაფიული ნამუშევრები - ზემოსურების საჯარო სკოლაში ქართული ენის დღე აღინიშნა
15-04-2025
ჩოხატაურის მუნიციპალიტეტის სოფელ ზემოსურების საჯარო სკოლაში დედა ენის დღე აღნიშნეს, რომელიც საქართველოში 1978 წლის 14 აპრილიდან აღინიშნება.
ზემო სურების სკოლის მოსწავლეები დიდი ენთუზიაზმით შეეცადნენ პატივისცემა და სიყვარული გამოეხატათ მშობლიური ენისადმი. მათ შექმნეს პოსტერები და პლაკატები: „დედა ენა ერთ-ერთი რჩეული საგანძურია ქართველი ერისთვის“. „დედა ენის არსებობა ერის არსებობას ნიშნავს“.
მოსწავლეებმა შეისწავლეს ლექსები, შექმნეს კალიგრაფიული ნამუშევრები. მეათეკლასელმა მარიამ ეზიეშვილმა შექმნა ელექტრონული რესურსი. პატარებმა ასევე სიმღერებითა და ცეკვით გაგვანებივრეს.
აღსანიშნავია, რომ ღონისძიების ფარგლებში მთელ სკოლაში საზეიმო განწყობა სუფევდა
იხილეთ ფოტოები:
სკოლების სიახლეები
