ჩოხატაურის მუნიციპალიტეტის სოფელ ზემოსურების საჯარო სკოლის მე-6 კლასის მოსწავლეებმა 1989 წლის 9 აპრილის ტრაგედია გაიხსენეს.
მათ 9 აპრილს დატრიალებულ ტრაგიკულ მოვლენებზე ისაუბრეს, გაიხსენეს დღე, რომელიც ქვეყნის დამოუკიდებლობის აღდგენას დაედო საფუძვლად, დაღუპულთა ხსოვნას პატივი მიაგეს და შექმნეს კედლის გაზეთი სახეწოდებით - „9 აპრილი - გმირთა გზა თავისუფლებისაკენ“.
როგორც სკოლაში გვეუბნებიან, აღნიშნული აქტივობის მიზანი მოსწავლეთა ცნობიერების ამაღლება და გმირების სახელის უკვდავყოფა იყო.
შეგახსენებთ, რომ 1989 წლის 9 აპრილს გამთენიისას თბილისში, რუსთაველის გამზირზე, საბჭოთა კავშირის სადამსჯელო ნაწილებმა მშვიდობიანი საპროტესტო აქცია დაარბიეს. შედეგად, დაიღუპა 21 ადამიანი, 2000-ამდე პირი კი მოიწამლა. ზუსტად 2 წლის შემდეგ, საქართველოს უზენაესმა საბჭომ, ზვიად გამსახურდიას მეთაურობით, საქართველოს დამოუკიდებლობის აქტი მიიღო. 9 აპრილი საქართველოს უახლეს ისტორიაში ტრაგედიისა და ამავდროულად, საქართველოს დამოუკიდებლობის აღდგენის დღედ ჩაეწერა.
იხილეთ ფოტოები:
