ნინოწმინდის მუნიციპალიტეტის, კატნატუს საჯარო სკოლაში მოსწავლეთა მრავალმხრივ განვითარებას განსაკუთრებული ყურადღება ეთმობა - პროფესიონალი პედაგოგიური საზოგადოება, დირექციის მხარდამხარ, უწყვეტად ცდილობს, ბავშვებმა მიიღონ საფუძვლიანი განათლება და იმავდროულად, მოტივაციის ასამაღლებლად, მრავალფეროვან აქტივობებს სთავაზობენ; ბავშვები დიდი ენთუზიაზმით ერთვებიან სასკოლო ცხოვრებაში და არც ისეთ თარიღებს ივიწყებენ, რომლებიც გარდამტეხი აღმოჩნდა ჩვენი ქვეყნის ისტორიაში.
მათ შორის გახლავთ 9 აპრილი, რომელსაც სასკოლო საზოგადოებამ ღონისძიება მიუძღვნა და ასე მიაგეს პატივი დაღუპული გმირების ხსოვნას.
აქტივობას ხელმძღვანელობდა „მე და საზოგადოების“ მასწავლებელი, ნატალია ბდოიანი.
„ეს დღე განსაკუთრებით მნიშვნელოვანია ჩვენთვის - იგი უკავშირდება 1989 წლის ტრაგედიასა და საქართველოს დამოუკიდებლობის აღდგენას. მოსწავლეებმა ისაუბრეს ამ დღეს მიმდიანრე მოვლენების შესახებ და კიდევ ერთხელ გაუსვეს ხაზი, რომ 9 აპრილი საქართველოში ეროვნული ერთობის, სამოქალაქო სოლიდარობისა და შეწირულ გმირთა ხსოვნის დღეა“, - ნათქვამია სკოლის მიერ გავრცელებულ ინფორმაციაში.
