ხობის მუნიციპალიტეტის სოფელ ბიის საჯარო სკოლის მოსწავლეები ეროვნულ ღირებულებებზე და პატრიოტულ მოტივებზე იზრდებიან. მომავალი თაობის პატრიოტული სულისკვეთების ამაღლების მიზნით არაერთი ღონისძიება იმართება.
რა თქმა უნდა, მოსწავლე-მასწავლებელთა ყურადღების მიღმა არ დარჩენილა 9 აპრილი. სკოლაში გაიმართა ღონისძიება სახელოწდებით - „9 აპრილი-ქართველი ერის ტკივილისა და სულიერი ამაღლების დღე”, რომელიც 1989 წლის 9 აპრილის ტრაგიკული მოვლენების გახსენებას მიეძღვნა.
ღონისძიების მიზანი იყო მოსწავლეებისთვის ამ მნიშვნელოვანი ისტორიული დღის მნიშვნელობის გააზრება და ეროვნული თვითშეგნების გაღრმავება. მოსწავლეებმა პატივი მიაგეს საქართველოს თავისუფლებისთვის დაღუპულ გმირთა ხსოვნას.
ღონისძიებამ ნათლად აჩვენა, რომ ახალი თაობა არ ივიწყებს წარსულს და აცნობიერებს თავისუფლების ფასს.
იხილეთ ფოტოები:
