გორელოვკის N3 სკოლის პირველკლასელებმა, კომპლექსური დავალების ფარგლებში, შესწავლილი ლიტერატურული ნაწარმოებების ინცენირება დადგეს
11-04-2025
ნინოწმინდის მუნიციპალიტეტის სოფელ გორელოვკის N3 საჯარო სკოლაში კომპლექსური დავალებებით სწავლება წარმატებით მიმდინარეობს. შემოქმედებითი ბუნების დავალებები მოსწავლეთა დიდი ინტერესით გამოირჩევიან.
ახლახან, I კლასის მოსწავლეებმა საპროგრამო მასალით გაიარეს - ტექსტი „ენძელა“ და ისწავლეს ლექსი - „თებერვალო, თებერვალო“, შესწავლილი მასალა კი კომპლექსური დავალებით შეაჯერეს და ცოდნა გაიღრმავეს.
კომპლექსური ბუნების მქონე დავალების ფარგლებში, პატარებმა მოირგეს როლები და ზამთრისა და ენძელას დიალოგი გაითამაშეს, ასევე წაიკითხეს ლექსები.
დავალება მოსწალეებისთვის სასწავლო-შემეცნებითთან ერთად, სახალისო და თავშესაქცევი აღმოჩნდა. პირველკლასელებმა დაკისრებულ მოვალეობას წარმატებით გაართვეს თავი.
იხილეთ ფოტო და ვიდეომასალა:
სკოლების სიახლეები
