ნინოწმინდის მუნიციპალიტეტის სოფელ გორელოვკის N3 საჯარო სკოლის მოსწავლეები მათემატიკას საინტერესო და სახალისო აქტივობებით სწავლობენ.
მათ შორის აღსანიშნავია, მე-2 კლასში ჩატარებული გაკვეთილი თემაზე - ტანგრამი, რომელსაც პედაგოგი იამზე პაქსაძე ხელმძღვანელობდა.
მე-2 კლასელმა მათემატიკის გაკვეთილზე შეასრულა საინტერესო და შემოქმედებითი აქტივობა – ტანგრამის ფიგურების შექმნა.
გაკვეთილი ინტერაქტიური და შემეცნებითი ფორმატით წარიმართა. მოსწავლემ გაიგო, რა არის ტანგრამი – უძველესი ჩინური გეომეტრიული თავსატეხი, რომელიც შედგება შვიდი სხვადასხვა ფორმის ფიგურისგან. მასწავლებელმა მას აუხსნა, როგორ შეიძლება ამ ფიგურებისგან შეიქმნას სხვადასხვა ობიექტი – ცხოველები, ადამიანები, ნივთები და სხვა.
მოსწავლემ განიმტკიცა ცოდნა გეომეტრიულ ფიგურებზე.
გაკვეთილი მხიარულ და მეგობრულ გარემოში წარიმართა. ტანგრამის გამოყენება როგორც შემეცნებითი, ისე გასართობი ინსტრუმენტი კიდევ ერთხელ ადასტურებს, რომ მათემატიკა შეიძლება იყოს სახალისო და შთამაგონებელი თითოეული მოსწავლისთვის.
იხილეთ ფოტოები:
