წალკის მუნიციპალიტეტის, ხაჩკოვის საჯარო სკოლაში განსაკუთრებული ყურადღება ეთმობა მოსწავლეთა მრავალმხრივ განვითარებას და სწორედ აქედან გამომდინარე, ხარისხიანი საგაკვეთილო პროცესის მიმდინარეობის პარალელურად, ტარდება მრავალფეროვანი აქტივობები, რომლებშიც ბავშვები დიდი სიხარულით ერთვებიან.
ახლახან, ხაჩკოვის საჯარო სკოლაში გაზაფხულის შემობრძანება და ქალთა დღე შთამბეჭდავი ღონისძიებით აღნიშნეს.
როგორც სკოლაში გვიამბობენ, ღონისძიება არა მხოლოდ მილოცვებსა და კეთილ სურვილებს აერთიანებდა, არამედ წარმოდგენილი გახლდათ იუმორისტული ნომრებიც.
აქტივობის ფარგლებში ბავშვებმა დახატეს ძლიერი, ჭკვიანი, ლამაზი ქალის გამოსახულება, რომელიც სიყვარულით წარუდგინეს საყვარელ ლიუბა მასწავლებელს.
„ღონისძიებაზე წარდგნენ მე-5 და მე-6 კლასის მოსწავლეებიც, ეს დღე ქალბატონებს სკოლის დირექტორმა მაქსიმ გალსტიანმა და მშობლებმა მიულოცეს, ორგანიზატორი კი პედაგოგი ლიუბა ბულუდიანი გახლდათ“, - აღნიშნულია სკოლის მიერ გავრცელებულ ინფორმაციაში.
