საქართველოს საპატრიარქოს წმიდა თამარ მეფის სახელობის სკოლა-გიმნაზიის პირველკლასელთა სასკოლო ცხოვრებას კიდევ ერთი დაუვიწყარი კულტურული ღონისძიება შეემატა.
ახლახან, სკოლა-გიმნაზიის Iა და Iბ კლასის მოსწავლეები, დამრიგებლების - თინათინ ბლიაძისა და ქეთი მოსულიშვილის ხელმძრვანელობით, შემცნებით-გასართობი ექსკურსიების ფარგლებში, ესტუმრნენ თეატრს „მეორე სახლი“.
პატარა მაყურებლებისთვის თეატრში ვიზიტი ერთ-ერთი მნიშვნელოვანი ნაბიჯი იყო სცენურ ხელოვნებასთან დაახლოების გზაზე.
მოსწავლეებმა დიდი ინტერესითა და აღფრთოვანებით უყურეს სპექტაკლს სახელწოდებით — „მაუგლი“, რომელიც მათთვის ცნობილი და საყვარელი მოთხრობის მიხედვით იყო დადგმული.
სცენაზე გაცოცხლებული პერსონაჟები — ბალუ, ბაგირა, შერ-ხანი და თვით მაუგლი — ბავშვისთვის ახლობელ თემებს ეხებოდა: მეგობრობა, სიმამაცე, სირთულეებთან გამკლავება და საკუთარი თავის პოვნას.
სპექტაკლი მოსწავლეებისთვის არა მხოლოდ გასართობი არამედ, ზნეობრივ-დამრიგებლურიც იყო - ის ასწავლიდა ერთგულებას, პასუხისმგებლობას, მეგობრობის მნიშვნელობას.
სპექტაკლის შემდეგ ისინი ემოციებით აღსავსენი განიხილავდნენ საყვარელ პერსონაჟებს, იმეორებდნენ დიალოგებს და ერთმანეთს უზიარებდნენ შთაბეჭდილებებს.
ამგვარი კულტურულ-საგანმანათლებლო ვიზიტები განსაკუთრებით მნიშვნელოვანია მოსწავლეთა გემოვნების, ემპათიისა და შემოქმედებითი აზროვნების ჩამოყალიბებისთვის. „მაუგლის” ნახვა კი მათ მეხსიერებაში ნამდვილად დარჩება, როგორც ერთ-ერთი შთამაგონებელი გამოცდილება.
იხილეთ ფოტოები:
