აღაიანის საჯარო სკოლაში სოციალური პროექტი - „ქველმოქმედება ლამაზი სიტყვაა, ქმედება - კიდევ უფრო ლამაზი“ განხორციელდა. 

სკოლის წარმომადგენლის თქმით, პროექტი სკოლის მოსწავლის დასახმარებლად ჩატარდა.

„სკოლის მეოთხეკლასელ მოსწავლეს მარიამ ფეიქრიშვილს სახლი დაეწვა. ოჯახს სოფლის მცხოვრებლებიც და გამგეობაც მხარში ამოუდგა და მატერიალური დახმარება გაუწიეს, მაგრამ მარიამის თანაკლასელებმა მასწავლებლის შეთავაზება - გაემართათ საქველმოქმედო ღონისძიება და მარიამისთვის დამწვარი ფანდურის სამაგიერო ეყიდათ - დიდი ენთუზიაზმით აიტაცეს და მზადება დაიწყეს“,-აღნიშნავს სკოლის წარმომადგენელი. 

სკოლის აღსაზრდელებმა საქველმოქმედო კონცერტი ჩაატარეს და აუქციონის წესით საკუთარი ნახატების გამოფენა-გაყიდვა მოაწყვეს.

კონცერტში პირველი, მეორე და მესამე კლასის მოსწავლეებიც მონაწილეობდნენ. ღონისძიებაზე ასევე სკოლის მომღერალთა გუნდმა, თამაზ დურგლიშვილის მონაწილეობით, იმღერა.

იხილეთ ფოტოები