მარტვილის მუნიციპალიტეტის სოფელ წაჩხურას საჯარო სკოლა სკოლაში განსაკუთრებული ყურადღება ეთმობა მოსწავლეებში ტოლერანტობის გაღვივებასა და სხვადსხვა მნიშვნელოვან საკითხზე მათი ცნობიერების ამაღლებას.
შესაბამისად სკოლაში საგანმანათლებლო აქტივობებით გამოეხმაურნენ დაუნის სინდრომის მსოფლიო დღეს.
სკოლის მოსწავლეებმა, ბიოლოგიის პედაგოგ თამუნა გულორდავასთან და სპეცმასწავლებელ ირმა კანკიასთან ერთად, ფილმის ჩვენება მოაწყვეს, წარადგინეს პრეზენტაციები, ასევე დაამზადეს და დაარიგეს საინფორმაციო ბროშურები, სასკოლო საზოგადოების ცნობიერების ამაღლების მიზნით.
დაუნის სინდრომის მსოფლიო დღე გაეროს ეგიდით 2011 წლის 10 ნოემბერს დაწესდა.
2006 წლის 21 მარტიდან დაუნის სინდრომის საერთაშორისო დღე აღინიშნება. ამ დღეს მსოფლიოს მრავალ ქვეყანაში სინდრომის შესახებ ცნობიერების ამაღლების მიზნით სხვადასხვა ღონისძიებები იმართება. რამდენიმე წელია, მათ რიცხვში საქართველოცაა.
იხილეთ ფოტოები და ვიდეო:
